ಅಪ್ಪನೂ ಅಳುತ್ತಾನೆ

 

ಬತ್ತದ ಗದ್ದೆಯ ಮುಂದೆ 

ಮನಸ್ಸು ಹೇಳಿತು

ಬಂಗಾರ ಕೊಳ್ಳಬಾರದು

ಬೆಳೆಯ ಬೇಕು

* * * * * * * * * * * * * * * * * *

ಜೇಡ ಬಲೆ ಹೆಣೆದಾಗ

ಇಬ್ಬನಿ ಮುತ್ತಾಯಿತು

ಚಿಟ್ಟೆ ಭೋಜನವಾಯಿತು

* * * * * * * * * * * * * * * * * *

ಕಾವ್ಯ ಬರೆದಾಗ ಬರಲಿಲ್ಲ

ಪ್ರೀತಿಸಿದಾಗ

ಕವಿತೆಯಾಗಿ ಉಳಿದಳು

* * * * * * * * * * * * * * * * * *

ಗಡಿಗೆಯಲ್ಲಿ ತುತ್ತು ಅನ್ನವಿದ್ದಾಗ 

ಮಗು ಹಟ ಮಾಡದೇ ಎಲ್ಲವನ್ನೂ ತಿಂದಿತು

ಅಮ್ಮನಿಗೆ ಹಸಿವೆಯೇ  ಆಗಲಿಲ್ಲ

* * * * * * * * * * * * * * * * * *

ಕನ್ಯಾದಾನ ನಡೆದಂದು 

ಭೂರಿ ಭೋಜನ ಸೊಗಸಿತ್ತು

ತಂದೆಯ ಕಣಲ್ಲಿ ಚೊಂಬು ನೀರಿತ್ತು

* * * * * * * * * * * * * * * * * *

#ಹಿತವಾಗಿ_ಹದವಾಗಿ

ab pacchu

moodubidire