ಕೃಷ್ಣನ ನಗು
ತಾಯಿ ಮತ್ತು ಮಗು ಶ್ರದ್ಧೆಯಿಂದ ಟಿವಿ ನೋಡುತ್ತಿದ್ದರು.
ಮಗು - ಅಮ್ಮ, ಅವನು ಯಾಕೆ ಆ ರೀತಿಯಾಗಿ ಎಲ್ಲರಿಗೂ ಕೋಪ ತರಿಸುವಂತೆ ನಗುತ್ತಾನೆ.
ತಾಯಿ - ಅವನು ಕೆಟ್ಟವನು, ಅದಕ್ಕಾಗಿ ಅಷ್ಟು ಕೆಟ್ಟದಾಗಿ ನಗುತ್ತಾನೆ!
ಮಗು - ಯಾರವನು?
ತಾಯಿ - ಅವನ ಹೆಸರು ಶಕುನಿ!
ಮಗು- ಅವನ ನಗು, ನನ್ನ ಹಾಗೆ ನಿಮ್ಮ ಹಾಗೆ.. ಎಲ್ಲರಿಗೂ ಕೂಡ ಇಷ್ಟವಾಗುವುದಿಲ್ಲವೇ
ತಾಯಿ - ಇಲ್ಲ, ಕೆಲವರಿಗೆ ಅವನ ನಗುವೂ ಇಷ್ಟ, ಅವನೂ ಇಷ್ಟ!
ಮಗು - ಯಾರವರು?
ತಾಯಿ - ಧುರ್ಯೋಧನಾದಿಗಳು..!
ಮಗು - ಹಾಗಾದರೆ ಈ ಜಗದಲ್ಲಿ ಸುಂದರವಾಗಿ ಎಲ್ಲರಿಗೂ ಇಷ್ಟ ಆಗುವಂತೆ ನಗುವವರು ಯಾರೂ ಇಲ್ಲವೇ ಅಮ್ಮಾ ?
ತಾಯಿ - ಯಾಕಿಲ್ಲ, ಒಬ್ಬ ಇದ್ದಾನೆ.
ಮಗು - ಅಮ್ಮಾ.. ಯಾರದು?
ತಾಯಿ - ಅವನ ನಗುವಿನಿಂದಲೇ ನಮ್ಮ ಸಮಸ್ತ ಚಿಂತೆಗಳು,ದುಃಖಗಳು, ನೋವುಗಳು ದೂರವಾಗುವುದು, ಹಸಿವು ಕಾಣೆಯಾಗುವುದು. ಅವನು ಹಾಗೆಯೇ ನಗುತ್ತಿದ್ದರೆ ಎಲ್ಲೆಲ್ಲೂ ಉಲ್ಲಾಸ ಉತ್ಸಾಹದ ಉತ್ಸವವೇ ಜರುಗುವುದು.
ಮಗು - ಹೌದೇ ಅಮ್ಮ...
ತಾಯಿ - ಅವನಿಂದಾಗಿ ಕಡೆದಿಟ್ಟ ಗಡಿಗೆಯ ಬೆಣ್ಣೆಗಳು ಪುನೀತವಾಗುವವು,ಹೆಂಗೆಳೆಯರ ಹೃದಯ ಹಾಗೇ ಹಾರಿಹೋಗುವುದು,ಮಕ್ಕಳಿಂದ ಹಿಡಿದು ವೃದ್ಧರವರೆಗೂ ಅವನೆಂದರೆ ಎಲ್ಲರಿಗೂ ತುಂಬಾನೇ ಇಷ್ಟ..
ಮಗು - ಎಲ್ಲರಿಗೂ ಇಷ್ಟವೇ..?
ತಾಯಿ - ಇಲ್ಲ, ಕೆಲವರಿಗೆ ಅವನೆಂದರೆ ಕೂಡ ಇಷ್ಟ ಇಲ್ಲ!
ಮಗು - ಯಾರಿಗೆ ಅವನು ಮತ್ತು ಅವನ ಅಂತಹ ನಗು ಇಷ್ಟ ಆಗುವುದಿಲ್ಲ ಅಮ್ಮಾ..
ತಾಯಿ - ಕೆಲವರು ಇದ್ದಾರೆ!
ಮಗು - ಯಾರದು?
ತಾಯಿ - ಧುರ್ಯೋಧನಾದಿಗಳು...!
ಮಗು - ಹಾಗಾದರೆ ನಿಜದಲ್ಲಿ ಅವನು ಯಾರು ಎಂದು ಒಮ್ಮೆ ಹೇಳಿಬಿಡಮ್ಮಾ.. 🙏
ತಾಯಿ - ಅವನೇ.. ವಾಸುದೇವ ಕೃಷ್ಣ 😊🙏🏻
#ನಮೋ_ಭಗವತೇ_ವಾಸುದೇವಾಯ 😊🙏🏻🚩
ab
Comments
Post a Comment