ಡಿಮ್ & ಡಿಪ್ಪು

 - ಸಮಯ ಸಂದರ್ಭ

ಕಾರು ಯಾವಾಗ ರೋಡಿಗಿಳಿದರೂ 

ಕತ್ತಲೆಯಲ್ಲಷ್ಟೇ ಡಿಮ್ & ಡಿಪ್ಪು

ಇಡ್ಲಿ ವಡೆ ಈಗೀಗ ಪ್ಲೇಟಿಗಿಳಿದರೆ

ಬೆಳಿಗ್ಗೆಯೂ ಡಿಪ್ಪು ರಾತ್ರಿಯೂ ಡಿಪ್ಪು

* * * * * * * * * * * * * * * * * * * * * *

- ನೆನಪು

ನನಗೆ ಸೇಬು ಇಷ್ಟವಿಲ್ಲ

ಕಚ್ಚಿ ತಿನ್ನುವುದು ಇನ್ನೂ ಇಷ್ಟವಿಲ್ಲ

ಸೇಬುಗಲ್ಲದ ಹುಡುಗಿ ಸಿಗಬಾರದಿತ್ತಲ್ಲ!

ಸೇಬು ಬದಲು ಸೀಬೆ ತಿನ್ನಬಹುದಲ್ಲ? 

ಸೀಬೆಯೋ ಅದಂತು ಮೊದಲೇ ಇಷ್ಟವಿಲ್ಲ

ಅವಳ ನಲ್ಲನಂತೆಯೇ ಅದರ ಒರಟು ಗಲ್ಲ

* * * * * * * * * * * * * * * * * * * * * *

- ಬೆಲೆ ಏರಿಕೆ

ಹಿಂದೆ ಬರೀ ಹತ್ತು 

ಈಗಾಗಿದೆ ಇಪ್ಪತ್ತು

ಆಗಾಗ ಕುಡಿಯುತ್ತಿದ್ದೆ 

ನಾನು ಸೋಡಾ ಶರಬತ್ತು

* * * * * * * * * * * * * * * * * * * * * *

- ವಿರಹ

ಅವಳೇ ಎಲ್ಲಾ ಅಲ್ಲ

ಪ್ರೀತಿಯೇಕೆ

ಇದನ್ನೊಂದು ಕಲಿಸುವುದೇ ಇಲ್ಲ?

* * * * * * * * * * * * * * * * * * * * * *

- ಪ್ರೇರಣೆ 

ನಾನಾಗಬೇಕು ಸಿ ಎಮ್ಮು

ನೋಡುವಾಗಲಷ್ಟೇ ಅನಿಸುವುದು

ಎತ್ತರದ ಹಕ್ಕಿ ಆ ಎಮ್ಮು

* * * * * * * * * * * * * * * * * * * * * *

- ಪ್ರಾಮುಖ್ಯತೆ 

ಪಟದ ಇಡ್ಲಿ ವಡೆ ಆದರೆ

ನೋಡಲು ವೆರಿ ಡಿಲೀಷಿಯಸ್ 

ಹನಿಗವನದೊಳಗಿನ ಇಡ್ಲಿ ವಡೆ 

ಆದಂತೆಯೇ ವೆರಿ ಸೀರಿಯಸ್

* * * * * * * * * * * * * * * * * * * * * *

#ಹಿತವಾಗಿ_ಹದವಾಗಿ

ab pacchu

moodubidire